வாழ்க்கையின் கணக்கு

 *“நம்முடைய வாழ்க்கையில் மிகவும் மதிப்பு மிக்க பொருள் என்னவென்றால், அது நம்முடைய கால நேரம்தான் ……..மேலும் நாம் ஒவ்வொரு கணத்தையும் இந்த வழியில் வாழ்ந்து கொண்டிருப்பது, என்பது, நம்மை நமது உண்மையான இலட்சியத்தை நோக்கி இட்டு செல்லுமா?“* 

*:*

 ஒரு இளைஞன் I.T. – இல் வேலை பார்ப்பவர். இந்தியாவில் இருந்து அமெரிக்காவிற்குச் சென்றார். அவருடைய பெரும் அளவிலான நண்பர்களைப் போல, அவரும் பீஸா சாப்பிட விரும்பினார். ஒரு நல்ல ரெஸ்டாரெண்ட் சென்றார்.

 அவர் ஒரு 9 இஞ்ச் பீஸாவை ஆர்டர் செய்தார். சிறிது நேரத்திற்குப் பிறகு அந்த வெயிட்டர் இரண்டு 5 இஞ்ச் பீஸாவோடு வந்தார். 9 இஞ்ச் பீஸா ரெஸ்டாரெண்டில், இல்லாத ஒன்று எனவும்; மேலும், அவர் இரண்டு 5 இஞ்ச் பீஸா கொடுத்திருப்பதாகவும், எனவே அவருக்கு 1 இஞ்ச் பீஸா இலவசமாகக் கொடுக்கப்பட்டு இருக்கிறது என்றும் கூறினார்.

 அந்த இளைஞர் வெயிட்டரிடம், பணிவாக வேண்டிக் கொண்டார். அவரை ரெஸ்டாரெண்ட் உரிமையாளரிடம் பேச இணைப்புக் கொடுக்கும் படி கேட்டுக் கொண்டார்!

 அந்த இந்தியன், அந்த உரிமையாளரிடம் கணித சூத்திரம் ஒன்றைக் கொடுத்தார். அது வட்டத்தின் பரப்பளவு பற்றியது. 

வட்டத்தின் பரப்பு = πr2

Π = 3.1415926

R = வட்டத்தின் ‘ஆரம்’

ஆகவே,

ஒரு 9 இஞ்ச் வட்டத்தின் பரப்பு = 63.62 ச. இஞ்ச்

அதே வேளையில், ஒரு 5 இஞ்ச் வட்டத்தின் பரப்பு = 19.63 ச. இஞ்ச்

இரண்டு 5 இஞ்ச் வட்டங்கள் கூட்டிப் பார்த்தால் = 39.26 ச. இஞ்ச். 

அந்த மனிதர், முடிவாகக் கூறினார்; அதாவது அவருக்கு 3 பீஸாக்கள் கொடுக்கப்பட்டால் கூட, அது அவருக்கு 9 இஞ்ச் பீஸாவுக்கு சமமாக இருக்க முடியாது. அவர் ஆர்டர் செய்த அந்த 9 இஞ்ச் பீஸாவுக்கு சமம் இல்லை. அந்த இளைஞர் கேட்டார்,“நீங்கள் எனக்கு ஒரு இஞ்ச் பீஸா இலவசமாக கொடுக்கப்பட்டு இருக்கிறது, என்று எவ்வாறு கூறிட முடியும்?“

 அந்த இளைஞனின் கணக்கீடுகளைப் பார்த்து, அந்த ரெஸ்டாரெண்ட் உரிமையாளர், திகைத்துப் போய் விட்டார். இறுதியாக அந்த ரெஸ்டாரெண்ட், அவருக்கு 5 இஞ்சில் 4 பீஸாக்கள் கொடுத்தது.

 ஒவ்வொருவரும் அவரவர்களுடைய கணக்கை தீவிரமாகக் கையாள வேண்டும்!

 இதுதான் பீஸாவின் கணக்கு. ஆனால் இதை வாசிக்கும் போது, திடீரென்று, எனது இதயத்தின் உள்ளிருந்து, ஒரு குரல் கூறியது,“ நம்முடைய வாழ்க்கையிலும் கூட இது போலவே, தவறான கணக்கை, நாம் செய்து கொண்டு இருக்கிறோமா? உலகத்தில் இருக்கும் சின்னஞ் சிறு பொருட்கள் அனைத்தையும் கூட, பெறுவதில் உற்சாகம் என்னும் போதையில் இருக்கும் போது, நாம் நமக்குள்ளாகவே, தெய்வீகத்தில் இருந்து பறிக்கப் பட்டு விட்ட நிலைக்குச் செல்கிறோமா?